Ludo
- En matematika (ludteoria) senco estas abstrakta strukturo de ago kutime bazita sur reala modelo sed en pli simpligita formo kiu ne estas nepre la sama ideo kun la nocio el la ĉiutaga vivo.
- En ĉiutaga senco ludo estas ago por amuzi sin aŭ aliajn.
En multaj kazoj tiuj du sencoj estas la samaj. Ekzemple tabulludoj estas ludoj en ambaŭ sencoj.
Aliflanke ludoj kie ne estas bezonata strategia decido, nur rapideco, korpa forto, ekvilibro, atento, lerteco de la manoj aŭ piedoj ne estas konsideritaj kiel ludoj el vidpunkto de la ludteorio.
ekzemple: piedpilko

En strikta senco ludteorio aŭ teorio de la strategiaj ludoj estas branĉo de matematiko kiu studas interagojn kun abstraktitaj strukturoj de ago aŭ tiel nomataj ludoj.
Ĝi okupiĝas kun strategiaj ludoj kaj ankaŭ kun situacioj de la ĉiutaga vivo, politiko, socio, milito, kiun kutime oni ne pritraktas kiel ludon.
Ĝi havas aplikaĵon en ekonomio, politiko, sociologio, biologio, milita strategio.

Partoj de la ludteorio
Formaligo: okupiĝas pri la formulado kaj priskribo de la problemo. Por tiu celo ekzistas specialaj nocioj.
Solvo: antaŭdiras kiel finiĝos la ludo depende de la elektita strategio. Tie oni povas paroli ankaŭ pri solvkonceptoj aŭ strategioj.

Oni povas paroli pri ludkategorioj en matematika senco.